Міністэрства культуры Рэспублікі Беларусь

Абвешчаны збор прапаноў для фарміравання праекта “Культурныя ініцыятывы для Беларусі”

З мэтай падтрымкі грамадскай ініцыятывы і наладжвання сумеснай працы дзяражаўных органаў, арганізацый культуры розных формаў уласнасці і грамадзян па вырашэнні надзённых пытанняў культурнага жыцця Беларусі Міністэрства культуры Рэспублікі Беларусь ініцыіруе збор прапаноў для фарміравання праекта “Культурныя ініцыятывы для Беларусі” з мэтай яго рэалізацыі ў 2017 годзе і наступных гадах.

Ініцыятарамі прапаноў могуць выступаць дзяржаўныя органы, арганізацыі культуры розных формаў уласнасці, у тым ліку грамадскія аб’яднанні, і грамадзяне Рэспублікі Беларусь, а таксама замежныя грамадзяне і асобы без грамадзянства, якія пастаянна пражываюць на тэрыторыі Рэспублікі Беларусь.

Прапановы павінны закранаць пытанні развіцця беларускай культуры ў Рэспубліцы Беларусь ці інтэграцыі беларускай культуры ў сусветную культурную прастору і могуць ўключаць у сябе фармулёўку праблемы, якая перашкаджае развіццю культуры на сучасным этапе, і накірункі яе вырашэння шляхам прыняцца адпаведных юрыдычных, эканамічных ці арганізацыйных мер з боку дзяржавы, або новаго культурнага праекта, які вызначаецца надзённасцю, арыгінальнасцю, мае сацыяльны і (ці) эканамічны эфект, і шляхоў яго рэалізацыі. Пры адборы прапаноў перавага будзе аддавацца тым, рэалізацыя якіх абапіраецца на шматканальнае ці пазабюджэтнае фінансаванне.

Прапановы для фарміравання праекта “Культурныя ініцыятывы для Беларусі” просьба дасылаць да 1 верасня 2016 г. у Міністэрства культуры (па пошце на адрас 220004, Мінск, пр.Пераможцаў, 11, або на электронны адрас: ministerstvo@kultura.by з паметкай “Культурныя ініцыятывы для Беларусі”) або ва ўстанову адукацыі “Беларускі дзяржаўны ўніверсітэт культуры і мастацтваў” (па пошце на адрас: 220007, г.Мінск, вул.Рабкораўская, 17, або на электронный адрес buk@buk.by з паметкай “Культурныя ініцыятывы для Беларусі”) па наступнай форме:

Адбор культурных ініцыятыў з мэтай іх далейшай рэалізацыі будзе праведзены да 15 кастрычніка 2016 г.