Шэсць аўтараў сталі пераможцамі конкурсу рэжысёрскіх эксплікацый
10.01.2018
Пераможцы атрымалі права пастаноўкі спектакляў на аснове сваіх рэжысёрскіх эксплікацый у тэатрах у тэатральных сезонах 2017-2018 або 2018-2019 гадоў. Журы назвала пераможцамі Карыну Рыбак - аўтарскі праект "Музыка вуліц", Алену Сілуціну - аўтарскі праект "Сабакі", Рамана Падаляку - праект "Радзіва Прудок.
Дзённік А.Горвата", Дзмітрыя Цішко - праект "Ураджай" Паўла Пражко, Алега Кірэева - праект "Скрозь люстэрка і што ўбачыла там Аліса" Льюіса Кэрала, Дар'ю Марчанка - праект "Скрыпкі часам..." Франсуазы Саган. Усяго на конкурс рэжысёрскіх эксплікацый, які праводзіўся ў мэтах выяўлення і падтрымкі таленавітых рэжысёраў, выяўлення і падтрымкі найбольш цікавых ідэй у сцэнічным мастацтве, было пададзена 20 заявак.
Фінансаванне пастановак пераможцаў конкурсу ажыццяўляецца за кошт сродкаў рэспубліканскага бюджэту, а таксама за кошт іншых крыніц, не забароненых заканадаўствам Беларусі. Арганізатарамі конкурсу з'яўляюцца Міністэрства культуры, Беларуская дзяржаўная акадэмія мастацтваў, Беларускі саюз тэатральных дзеячаў.
