21 сакавіка адбылася сустрэча Міністра культуры Анатоля Мечыслававіча Маркевіча са спецпрадстаўніком Прэзідэнта Расійскай Федэрацыі па міжнародным культурным супрацоўніцтве Міхаілам Яфімавічам Швыдкім
На сустрэчы былі абмеркаваны асноўныя кірункі беларуска-расійскага супрацоўніцтва ў культурнай сферы, пытанні правядзення абменных культурных мерапрыемстваў.
Адбыўся абмен думкамі наконт важнасці работы з моладдзю, яе ўключэння ў значныя творчыя праекты.
Міхаіл Швыдкой выказаў зацікаўленасць ва ўдзеле маладых беларускіх драматургаў у тэатральных фестывалях, якія праходзяць на тэрыторыі Расіі.
Так, сёлета з 24 мая па 8 кастрычніка ў г.Маскве пройдзе 16-й Міжнародны тэатральны фэст ім. А.П.Чэхава, у якім прымуць удзел тэатральныя дзеячы з Беларусі.
Са свайго боку, Анатоль Маркевіч у якасці яскравага прыкладу маладзёжнага супрацоўніцтва расказаў аб сумесным праекце «Цягнік памяці».
У 2022 годзе каля 200 хлопчыкаў і дзяўчынак з Беларусі і Расіі за 15 дзён наведалі знакавыя месцы, звязаныя з Вялікай Айчыннай вайной, у гарадах Беларусі і Расіі, сустрэліся з ветэранамі, наведалі музеі, сталі ўдзельнікамі многіх асветных і культурных мерапрыемстваў.
Праект выклікаў вялікую цікавасць у моладзі, ён будзе працягнуты.
Плануецца, што ў 2023 годзе да беларуска-расійскай моладзі далучацца ўдзельнікі з Кыргызстана, Казахстана і Арменіі.
