Міністэрства культуры Рэспублікі Беларусь

8-9 ліпеня Міністр культуры Анатоль Маркевіч з рабочай паездкай наведаў Магілёўскую вобласць.

Першае пытанне ў парадку дня - будаўніцтва Музея воінскай славы паблізу мемарыяльнага комплекса «Буйніцкае поле». На тэрыторыі комплекса адбылася сустрэча Кіраўніка ведамства з архітэктарамі і гісторыкамі. Абмяркоўвалася актуальнасць праекта, архітэктурнае вырашэнне будынка.

Буйніцкае поле з'яўляецца святым месцам для беларускага народа. Менавіта тут з пачатку ліпеня 1941 года падчас абароны Магілёва праходзілі разлютаваныя баі 172-ой стралковай дывізіі пад камандаваннем генерал-маёра Міхаіла Раманава з нямецкімі войскамі. Баі на Буйніцкім полі працягваліся аж да 22 ліпеня. 9 Мая 1995 года тут адкрыты мемарыяльны комплекс абаронцам Магілёва.

Далей Міністр культуры Анатоль Маркевіч азнаёміўся з адным з турыстычных цэнтраў Магілёўскага рэгіёна - заасадам. Асноўную частку заасада займаюць прасторныя вальеры, у якіх жывуць насельнікі беларускіх лясоў. Акрамя таго, у ім жывуць тыгр і леў, які нарадзіўся ў Прыморскім краі. Заасад таксама выкарыстоўваецца як навучальная лабараторыя для навучэнцаў Магілёўскага дзяржаўнага прафесійнага агралесатэхнічнага каледжа ім. К.П. Арлоўскага.

Наступным пунктам рабочай паездкі Міністра культуры ў Магілёўскую вобласць стала наведванне палацава-паркавага ансамбля ў аг. Жылічы Кіраўскага раёна. Анатоль Мечыслававіч азнаёміўся з ходам рамонтна-рэстаўрацыйных работ. Цяпер на аб'екце за кошт сродкаў рэспубліканскага і абласнога бюджэтаў вядуцца работы ў галоўным корпусе і частцы паўночнага (музей, карцінная галерэя і бібліятэка). Таксама генеральная падрадная арганізацыя пачала будаўніцтва аранжарэі.

Таксама Міністр культуры Анатоль Маркевіч пабываў у г. Магілёве, дзе сустрэўся з калектывам Палаца культуры вобласці. У ходзе сустрэчы былі разгледжаны актуальныя пытанні развіцця галіны. Так, размова ішла аб развіцці турыстычнай прывабнасці Магілёўскай вобласці, аднаўленні аб'ектаў гісторыка-культурнай спадчыны, у прыватнасці, Жыліцкага палацава-паркавага ансамбля, правядзенні рэспубліканскага свята «Купалле» («Александрыя збірае сяброў»), перспектывах развіцця Палаца культуры вобласці.

Другі дзень рабочай паездкі ў Магілёўскую вобласць Міністра культуры Анатоля Маркевіча пачаўся з наведвання Магілёўскай абласной бібліятэкі ім. В. І. Леніна. У ходзе наведвання дырэктар абласной бібліятэкі Ілона Сарокіна пазнаёміла Кіраўніка ведамства з гісторыяй бібліятэкі, асноўнымі вехамі яе развіцця, краязнаўчымі базамі даных «Турыстычная карта Магілёўшчыны», «Жыліцкі версаль», «Жывая памяць пакаленняў», Музейным пакоем гісторыі кнігі і бібліятэкі, фонду.

Наступным пунктам наведвання Міністра культуры стаў Магілёўскі абласны тэатр лялек. Анатоль Мечыслававіч азнаёміўся з матэрыяльна-тэхнічнай базай тэатра, у глядзельнай зале адбылася сустрэча з калектывам. У ходзе размовы абмяркоўваліся перспектывы развіцця ўстановы культуры.