Міністэрства культуры Рэспублікі Беларусь

Дні культуры будуць праводзіцца ўпершыню.

У рамках Дзён культуры запланавана правядзенне Дзён беларускага кіно, мастацкай выстаўкі элементаў нематэрыяльнай культурнай спадчыны Беларусі, гала-канцэрта беларускіх майстроў мастацтваў.

13 чэрвеня 2023 года пройдзе ўрачыстае адкрыццё Дзён беларускага кіно ў кінатэатры «Манас» г.Бішкека. Да паказу запланаваны ігравы фільм «Падрыў», неігравы фільм «Страла», анімацыйныя стужкі «Зоркі 7 неба», «Тошка і яго сябры».

14 чэрвеня 2023 года пройдзе экспанаванне выставы элементаў нематэрыяльнай культурнай спадчыны «Традыцыі ажурнага ткацтва Гарадоцкага раёна» і «Традыцыйнае мастацтва маляваных дываноў Віцебскага Паазер'я». Адбудзецца ўрачыстае адкрыццё Дзён культуры ў Кыргызскім нацыянальным ордэне У.І.Леніна акадэмічным тэатры оперы і балета імя Абдыласа Малдыбаева з удзелам Дзяржаўнай установы «Заслужаны калектыў Рэспублікі Беларусь «Дзяржаўны ансамбль танца Беларусі», народнага артыста Беларусі Уладзіміра Громава, заслужаных артыстаў Рэспублікі Беларусь Алены Ланской, Жанет.

Адбудуцца перагаворы беларускай дэлегацыі з кіраўніцтвам Міністэрства культуры, інфармацыі, спорту і маладзёжнай палітыкі Кыргызскай Рэспублікі. Запланаваны сустрэчы з кіраўнікамі вядучых тэатральна-відовішчных устаноў і ўстаноў адукацыі ў сферы культуры Кыргызстана.