Міністэрства культуры Рэспублікі Беларусь

У Каралеўскім замку ў Варшаве (Рэспубліка Польшча) 8 красавіка 2019 года адбылося 19-е пасяджэнне сумеснай беларуска-польскай дарадчай камісіі па гісторыка-культурнай спадчыне.

Камісія дзейнічае на падставе Пагаднення паміж Урадам Рэспублікі Беларусь і Урадам Рэспублікі Польшча аб супрацоўніцтве ў сферы аховы гісторыка-культурнай спадчыны, ратыфікаванага Законам Рэспублікі Беларусь ад 26 лютага 1997 г. № 21-3.

У ходзе сустрэчы абодва бакі абмеркавалі пытанні сумеснага супрацоўніцтва па розных напрамках, у тым ліку бібліятэчнай і архіўнай спадчыны, музеязнаўства, захавання аб’ектаў спадчыны, падрыхтоўкі трансгранічных намінацый для ўключэння ў Спісы ЮНЕСКА.

Па выніках пасяджэння камісіі падпісаны пратакол аб супрацоўніцтве ў сферы аховы гісторыка-культурнай спадчыны.