Адзіны дзень інфармавання ў Жлобінскім раёне
21.01.2020
Сустрэча Міністра культуры Юрыя Бондара з кіраўнікамі і супрацоўнікамі ўстаноў культуры Жлобінскага раёна прайшла 20 студзеня 2020 года ў раённым Доме культуры. Сустрэча праходзіла ў рамках адзінага дня інфармавання з абмеркаваннем пытанняў занятасці і заработнай платы ў галінах эканомікі і сацыяльна-культурнай сферы Рэспублікі Беларусь.
Міністр культуры Рэспублікі Беларусь таксама наведаў сядзібу Козел-Паклеўскіх, якая з'яўляецца філіялам Жлобінскага краязнаўчага музея, усклаў кветкі ў мемарыяльным комплексе "Чырвоны Бераг" на месцы дзіцячага канцлагера.
