Дабрачынная акцыя «Ад усёй душы»
.jpeg)
.jpeg)
.jpeg)
.jpeg)
Сёння Міністр культуры Анатоль Мечыслававіч Маркевіч наведаў філіял ДУ «Тэрытарыяльны цэнтр сацыяльнага абслугоўвання насельніцтва Навагрудскага раёна» і ад усёй душы павіншаваў пастаяльцаў дома сумеснага пражывання з навагоднімі святамі!
За чаяваннем добрыя пажаданні прагучалі таксама ад старшыні Навагрудскага райвыканкама Сяргея Сяргеевіча Чаркоўскага, начальніка ўпраўлення культуры Гродзенскага аблвыканкама Алены Віктараўны Клімовіч, намесніка старшыні камітэта па працы, занятасці і сацыяльнай абароны Аляксандры Сяргееўны Гарачавай.
.jpeg)
.jpeg)
Філіял ДУ «Тэрытарыяльны цэнтр сацыяльнага абслугоўвання насельніцтва Навагрудскага раёна» знаходзіцца ў аграгарадку Брольнікі і працуе з 2017 года.
У структуру філіяла ўваходзяць пакоі сумеснага самастойнага пражывання для пажылых грамадзян «Утульная старасць», дзе створаны ўсе неабходныя ўмовы для спрыяльнага пражывання грамадзян пажылога ўзросту і інвалідаў.
На сённяшні дзень у пакоях пражывае 26 чалавек.
.jpeg)
.jpeg)
.jpeg)
.jpeg)
.jpeg)
Для пастаяльцаў дома і гасцей супрацоўнікі ДУ «Тэрытарыяльны цэнтр сацыяльнага абслугоўвання насельніцтва Навагрудскага раёна» падрыхтавалі цудоўнае прадстаўленне з конкурсамі і прызамі! А ў ролі аднаго з Дзядоў Марозаў выступіў Анатоль Мечыслававіч, які таксама прыехаў з падарункам - выступленнем Заслужанага калектыву Рэспублікі Беларусь «Беларускі дзяржаўны ансамбль народнай музыкі «Свята»!
А ў якасці матэрыяльнага падарунка - тэлевізар, каб бабулі і дзядулі маглі правесці вольны час за праглядам любiмай перадачы або кіно!
Новы год - пара здзяйснення жаданняў. Няхай яны спраўджваюцца, а надыходзячы год будзе радасным і шчаслівым!
