Дырэктару Беларускага дзяржаўнага акадэмічнага тэатра юнага гледача, заслужанай артыстцы Рэспублікі Беларусь Паляковай В.А., родным і блізкім Міністра замежных спраў Рэспублікі Беларусь У.У. Макея
Паважаная Вера Аляксандраўна!
Дарагія сябры!
Ад імя ўсёй культурнай грамадскасці Беларусі прыміце мае глыбокія і шчырыя спачуванні ў сувязі з адыходам з жыцця выдатнага дзяржаўнага і грамадскага дзеяча Беларусі, Міністра замежных спраў Рэспублікі Беларусь Уладзіміра Уладзіміравіча Макея.
Імя Уладзіміра Уладзіміравіча непарыўна звязана са станаўленнем дзяржаўнасці і незалежнасці Радзімы. Займаючы высокія і адказныя пасады, ён нязменна заставаўся палымяным патрыётам нашай краіны, цвёрда і паслядоўна адстойваў інтарэсы Рэспублікі Беларусь на сусветнай арэне, садзейнічаючы ўмацаванню яе міжнароднага аўтарытэту. Творчая інтэлігенцыя Беларусі глыбока паважала і высока цаніла Уладзіміра Уладзіміравіча як разумнага, тонкага, бліскуча адукаванага і высокадухоўнага чалавека, які ўнёс значны асабісты ўклад у развіццё нацыянальнай культуры.
Мы будзем побач з вамі ў гэты няпросты час, каб дапамагчы перажыць горыч страты і знайсці ў сабе сілы жыць і працаваць далей дзеля тых высакародных ідэй, якім прысвяціў сваё жыццё Уладзімір Уладзіміравіч Макей.
Памяць аб нашым выдатным сучасніку, светлым і выдатным чалавеку Уладзіміры Уладзіміравічы Макеi будзе вечна жыць у нашых сэрцах.
Міністр культуры
Рэспублікі Беларусь Анатоль Маркевіч
