Міністэрства культуры Рэспублікі Беларусь

24 студзеня 2018 года, у Палацы  Дзяржаўнага культурнага цэнтра Туркменістана ўрачыста адкрыліся Дні культуры Рэспублікі Беларусь, прымеркаваныя да 25-годдзя дыпламатычных адносін паміж  краінамі, якія былі ўсталяваныя 21 студзеня 1993 года.

Правядзенне Дзён беларускай культуры арганізавана Міністэрствамі культуры краін пры актыўнай падтрымцы Пасольства Рэспублікі Беларусь у Туркменістане.

У фае Палаца  была разгорнута фотавыстава БелТА «Беларусь-2017». На выставе былі прадстаўлены 46 фотаработ, якія адлюстроўваюць жыццё Рэспублікі Беларусь у розных яе аспектах: самыя важныя палітычныя падзеі 2017 года, дасягненні краіны ў прамысловасці, сацыяльнай, турыстычнай і іншых сферах. Выстава асабліва падкрэслівае развіццё двухбаковых адносін паміж Рэспублікай Беларусь і Туркменістанам.

У святочным канцэрце майстроў мастацтваў, які адбыўся ў рамках ўрачыстай цырымоніі адкрыцця Дзён культуры прынялі ўдзел больш за 60 беларускіх артыстаў. Гледачы асабліва цёпла сустрэлі Заслужаны калектыў Рэспублікі Беларусь ансамбль «Сябры» пад кіраўніцтвам Народнага артыста Беларусі Анатоля Ярмоленкі, Заслужаны калектыў Рэспублікі Беларусь "Дзяржаўны акадэмічны ансамбль танца Беларусі» пад кіраўніцтвам Народнага артыста Беларусі Валянціна Дудкевіча, ансамбль народнай музыкі і танца «Купалінка» пад кіраўніцтвам Народнай артысткі Беларусі Алены Цялькова.

25 студзеня 2018 гады Дні беларускай культуры працягнуліся ў Дзяржаўнай бібліятэцы Дзяржаўнага культурнага цэнтра Туркменістана, дзе прайшла творчая сустрэча з туркменскімі літаратарамі члена саюза пісьменнікаў Рэспублікі Беларусь, адказнага рэдактара часопіса «Полымя» Юліі Алейченко. Адбылася прэзентацыя шматтомнага выдання "Спадчына Францыска Скарыны", якое будзе перададзена ў дар Дзяржаўнай бібліятэцы Туркменістана.

У гэты ж дзень у кінатэатры «Ашхабад» адкрыліся Дні беларускага кіно. Туркменскім гледачам паказаны фільм «Ваўкі» вытворчасці кінастудыі "Беларусьфільм". На наступны дзень на суд юных гледачоў будзе прадстаўлены фільм «Рыжык у залюстаркоўе».
Дні культуры Рэспублікі Беларусь у Туркменістане завяршыўся 26 студзеня 2018 года сумесным сяброўскім канцэртам майстроў мастацтваў дзвюх краін.

Правядзенне традыцыйна маштабных творчых мерапрыемстваў, як у Беларусі, так і ў Туркменістане ажыццяўляецца ў рамках міжурадавага пагаднення аб супрацоўніцтве ў галіне культуры.