Міністэрства культуры Рэспублікі Беларусь

Афіцыйна апошнія акорды XXXI Міжнароднага фестывалю мастацтваў «Славянскі базар у Віцебску» прагучалі ў ноч на 18 ліпеня, але горад працягвае жыць святам.

18 ліпеня ў 15.00 Нацыянальны акадэмічны драматычны тэатр імя Якуба Коласа адчыніў дзверы «Тэатральнай лабараторыі». У гэтым праекце бяруць удзел студэнты беларускіх і расійскіх профільных ВНУ і ССНУ. На працягу некалькіх дзён прафесійныя педагогі разбіралі з імі анатомію тэатральных эцюдаў. Дзеянне праходзіць на камернай сцэне.

Тэатральныя сустрэчы з гледачом працягне Маскоўскі тэатр на Паўднёвым Захадзе. Ён прывёз у фестывальны Віцебск камедыю «Жаніцьба».

Фінальная рыска будзе за зоркамі шансона. Алена Ваенга, Андрэй Нікольскі, Ірына Круг, Рада Рай, Іслам Ітляшаў, Яўген Кемероўскі і іншыя артысты позна вечарам напоўняць сваім гучаннем залу Летняга амфітэатра, завяршыўшы шэраг канцэртаў і шоў на 31-м «Славянскім базары».

Крыніца: БЕЛТА