Міністр культуры прыняў удзел у анлайн-сустрэчы з нагоды 73-годдзя Кітайскай Народнай Рэспублікі
29 верасня з нагоды 73-годдзя Кітайскай Народнай Рэспублікі адбылася анлайн-сустрэча, арганізаваная пасольствам КНР у Рэспубліцы Беларусь. У анлайн-сустрэчы прыняў удзел Міністр культуры Анатоль Маркевіч.
– Апошнія гады развіццё беларуска-кітайскіх адносін актывізавалася ва ўсіх сферах. Нягледзячы на геаграфічную аддаленасць нашы дзяржавы пастаянна знаходзяць новыя магчымасці ўзаемавыгаднага супрацоўніцтва, - адзначыў Анатоль Мечыслававіч.
Сярод напрамкаў дзейнасці ў галіне гуманітарнага супрацоўніцтва Кіраўнік ведамства адзначыў работу камісіі па культурным супрацоўніцтве беларуска-кітайскага міжурадавага камітэта; абменныя Дні культуры паміж Рэспублікай Беларусь і Кітайскай Народнай Рэспублікай, якія праходзяць з 2011 г.; Дні культуры Беларусі ў Кітаі, якія з ліпеня па кастрычнік 2022 г. упершыню праходзяць у анлайн-фармаце (прымеркаваны да 30-годдзя ўстанаўлення дыпламатычных адносін паміж Рэспублікай Беларусь і Кітайскай Народнай Рэспублікай).
- Усё гэта з'яўляецца ўкладам у пашырэнне і ўмацаванне дружбы паміж нашымі народамі, - рэзюмаваў Міністр. - Толькі сумеснымі намаганнямі мы зможам практычна рэалізаваць ідэі збліжэння народаў і ўмацавання супрацоўніцтва!
