На Прававым форуме Беларусі праводзіцца абмеркаванне праекта Закона Рэспублікі Беларусь «Аб змяненні кодэксаў»
18.01.2021
На грамадскае абмеркаванне вынесены праект Закона Рэспублікі Беларусь ”Аб змяненні кодэксаў“.
Праект Закона Рэспублікі Беларусь ”Аб змяненні кодэксаў“ прадугледжвае ўнясенне змяненняў у Кодэкс Рэспублікі Беларусь аб культуры і Падатковы кодэкс Рэспублікі Беларусь.
Распрацоўка праекта Закона Рэспублікі Беларусь ”Аб змяненні кодэксаў“ выклікана неабходнасцю ўдасканалення парадку надання культурным каштоўнасцям статусу гісторыка-культурных каштоўнасцей і пазбаўлення іх такога статусу, а таксама ўнясення іншых змяненняў, абумоўленых практыкай прымянення Кодэкса Рэспублікі Беларусь аб культуры ў частцы рэгулявання грамадскіх адносін, звязаных з дзейнасцю творчых саюзаў, увозам і вывазам культурных каштоўнасцей, бібліятэчнай справай, музейнай справай, народнымі мастацкімі рамёствамі, арганізацыяй і правядзеннем культурных мерапрыемстваў, дзейнасцю клубных фарміраванняў.
У мэтах забеспячэння паўнаты прававога рэгулявання па пытаннях увозу і вывазу культурных каштоўнасцей, арганізацыі і правядзення культурных мерапрыемстваў адначасова змяненні ўносяцца і ў Падатковы кодэкс Рэспублікі Беларусь.
Свае заўвагі і прапановы можна выказаць у спецыяльнай тэме на Прававым форуме Беларусі або накіраваць у Міністэрства культуры з 14 па 24 студзеня 2021 г. уключна на электронны адрас ministerstvo@kultura.by.
Дзякуем за ваша меркаванне!
