Міністэрства культуры Рэспублікі Беларусь

ХХIII Мінскі міжнародны кінафестываль “Лістапад” пройдзе на высокім узроўні. Пра гэта заявіла намеснік Прэм’ер-міністра Рэспублікі Беларусь Наталля Качанава 6 верасня на пасяджэнні пастаянна дзеючага арганізацыйнага камітэта фестывалю. У ходзе пасяджэння разгледжаны шэраг пытанняў, звязаных з правядзеннем цэлага комплексу мерапрыемстваў матэрыяльна-тэхнічнага і творчага забеспячэння: канцэпцыя фестывалю, яго інфармацыйнае забеспячэнне, удзел замежных гасцей, падрыхтоўка аб’ектаў і афармленне горада, а таксама фінансавыя пытанні.

Віцэ-прэм’ер адзначыла, што ўсе рэалізуецца ў адпаведнасці з пастаўленымі задачамі. Як паведаміў Міністр культуры Барыс Святлоў, для ўдзелу ў фестывалі атрымана 594 заяўкі на гульнявыя, дакументальныя і дзіцячыя фільмы, а таксама 84 заяўкі для ўдзелу ў Нацыянальным конкурсе. ХХIII Мінскі міжнародны кінафестываль “Лістапад” пройдзе ў беларускай сталіцы з 4 па 11 лістапада 2016 года.

Дэвіз сёлетняга форуму –“Насустрач натхненню».