Віншаванне Прэзідэнта з Днём бацькі
Дарагія суайчыннікі!
Сёння ў Беларусі ўпершыню адзначаецца Дзень бацькі, закліканы падкрэсліць асаблівую значнасць ролі мужчын у выхаванні дзяцей, стварэнні моцнай і шчаслівай сям'і.
Фундаментам шматвяковага ўкладу жыцця беларускага народа заўсёды былі традыцыйныя сямейныя каштоўнасці, дзе бацька - кіраўнік і апора для ўсяго роду, крыніца назапашанага ў пакаленнях вопыту, сілы і мудрасці продкаў.
У сучасным свеце менавіта асабісты прыклад, клопат і падтрымка бацькі з дзяцінства выхоўваюць адказнасць, працавітасць, павагу да старэйшых, гатоўнасць служыць Радзіме і абараняць сваю зямлю.
Перакананы, новае свята ўмацуе аўтарытэт бацькоўства ў грамадстве і нароўні з Днём маці стане адным з любімых сямейных урачыстасцяў.
Няхай у нас, мужчын, заўсёды хапае сіл на ўзорнае выкананне бацькоўскага абавязку дзеля будучыні дзяцей і працвітання любiмай Беларусі.
Ад усёй душы жадаю вам і вашым блізкім моцнага здароўя, дабра, міру і дабрабыту.
Аляксандр Лукашэнка
