Прэзідэнт Беларусі Аляксандр Лукашэнка ўручыў узнагароды на цырымоніі адкрыцця XXIX Міжнароднага фестывалю мастацтваў «Славянскі базар у Віцебску»
Кіраўнік дзяржавы Аляксандр Лукашэнка ўручыў Гран-пры дзіцячага конкурсу «Славянскага базару» беларусу Елісею Касічу. Юны выканаўца заваяваў Гран-пры юбілейнага XX Міжнароднага дзіцячага музычнага конкурсу «Віцебск».
Прэзідэнт Беларусі, старшыня Вышэйшага дзяржаўнага савета Саюзнай дзяржавы на цырымоніі адкрыцця фестывалю таксама ўручыў прэміі Саюзнай дзяржавы за 2021-2022 гады ў галіне літаратуры і мастацтва. Прэміі прысуджаны за творы літаратуры і мастацтва, якія ўносяць вялікі ўклад ва ўмацаванне адносін братэрства, дружбы і ўсебаковага супрацоўніцтва паміж Беларуссю і Расіяй.
Узнагароды былі ўдастоены некалькі аўтарскіх калектываў канцэртных праграм Міжнароднага фестывалю мастацтваў «Славянскі базар у Віцебску», стваральнікі Ржэўскага мемарыяла Савецкаму салдату і калектыў выдавецкага праекта «Гістарычная памяць Саюзнай дзяржавы», прысвечанага 75-годдзю агульнай Перамогі народаў Савецкага Саюза ў Вялікай Айчыннай вайне.
Акрамя таго, спецыяльнай узнагароды Прэзідэнта Беларусі «Праз мастацтва - да міру і ўзаемаразумення» ў гэтым годзе ўдастоены беларускі выканаўца Анатоль Ярмоленка і ансамбль «Сябры».
