Сёння Міністр культуры Маркевіч А. М. уручыў узнагароды ведамства работнікам Міністэрства юстыцыі РБ
Сёння Міністр культуры Маркевіч А.М. уручыў узнагароды ведамства работнікам Міністэрства юстыцыі РБ: першаму намесніку Міністра юстыцыі Філіпавай Н.М., начальніку галоўнага ўпраўлення абавязковай юрыдычнай экспертызы нарматыўных прававых актаў Якімовіч В.У., намесніку начальніка ўпраўлення прававога рэгулявання сацыяльнай дзейнасці дзяржавы Рынейскай А.Г.
Міністр адзначыў высокі ўзровень прафесіяналізму ўзнагароджаных супрацоўнікаў і выказаў словы падзякі за непасрэдны і аператыўны ўдзел у падрыхтоўцы праекта пастановы Савета Міністраў Рэспублікі Беларусь аб рэестры арганізатараў культурна-відовішчных мерапрыемстваў, а таксама за эфектыўнае ўзаемадзеянне пры вырашэнні актуальных пытанняў нарматворчай дзейнасці ў сферы культуры.
Маркевіч А.М. адзначыў, што плённае супрацоўніцтва міністэрстваў садзейнічае развіццю культурнай дзейнасці на заканадаўчай аснове, стварэнню прававых умоў для рэалізацыі дзяржаўнай палітыкі ў сферы культуры, замацаванню высокіх культурна-прававых пачаткаў у жыцці краіны.
