Міністэрства культуры Рэспублікі Беларусь

З дакладам выступіў Міністр культуры, заслужаны артыст Рэспублікі Беларусь Руслан Іосіфавіч Чарнецкі.

- Гэты год падвядзе вынікі рэалізацыі дзяржаўнай праграмы "Культура Беларусі", і мы прыкладзем усе намаганні для таго, каб выканаць яе заданні ў поўным аб'ёме.

Ён таксама стане часам грандыёзнага святкавання святой для мільёнаў людзей даты - 80-годдзя Вялікай Перамогі. Гэтае свята мы павінны адзначыць яркімі і маштабнымі культурнымі падзеямі, якія запомняцца нашаму народу, - падкрэсліў Руслан Іосіфавіч.

З дакладам на тэму "Вынікі працы і перспектывы развіцця аховы гісторыка-культурнай спадчыны і ўмацавання матэрыяльна-тэхнічнай базы галіны" выступіў намеснік Міністра культуры Рэспублікі Беларусь Сяргей Аляксандравіч Саракач.

- Міністэрства культуры сумесна з мясцовымі органамі ўлады не спыняецца на дасягненнях мінулых гадоў, плануе і далей выконваць мерапрыемствы па захаванні нашай гісторыка-культурнай спадчыны і ўмацаванні матэрыяльна-тэхнічнай базы сферы культуры. Важная задача - ажыццяўленне высокага прадстаўніцтва Беларусі на міжнародным узроўні і павелічэнне турыстычнага патэнцыялу нашай краіны, - адзначыў Сяргей Аляксандравіч.

Даклад на тэму "Асноўныя аспекты падрыхтоўкі кадраў у Беларускім дзяржаўным універсітэце культуры і мастацтваў" быў прачытаны Наталляй Уладзіміраўнай Карчэўскай, рэктарам УА "Беларускі дзяржаўны ўніверсітэт культуры і мастацтваў".

З дакладам на тэму "Аб дзейнасці тэатра ў новых умовах фінансавання" выступіла генеральны дырэктар ДУ "Брэсцкі акадэмічны тэатр драмы" імя Ленінскага камсамола Беларусі" Ганна Уладзіміраўна Сенькавец.