Міністэрства культуры Рэспублікі Беларусь

Сёння ў рамках афіцыйнага візіту ў Рэспубліку Беларусь Генеральнага сакратара Цэнтральнага камітэта Камуністычнай партыі В'етнама То Лама была падпісана Праграма супрацоўніцтва ў галіне культуры паміж Міністэрствам культуры Рэспублікі Беларусь і Міністэрствам культуры, спорту і турызму Сацыялістычнай Рэспублікі В'етнам на 2026-2028 гады.

Праграму супрацоўніцтва ў галіне культуры дзвюх краін у Палацы Незалежнасці падпісалі Міністр культуры, заслужаны артыст Рэспублікі Беларусь Руслан Чарнецкі і Міністр культуры, спорту і турызму Сацыялістычнай Рэспублікі В'етнам Нгуен Ван Хунг.

Праграмай супрацоўніцтва ў галіне культуры паміж Міністэрствам культуры Рэспублікі Беларусь і Міністэрствам культуры, спорту і турызму Сацыялістычнай Рэспублікі В'етнам на 2026-2028 гады прадугледжваецца правядзенне Дзён культуры Сацыялістычнай Рэспублікі В'етнам у Рэспубліцы Беларусь у 2027 годзе ў сувязі са святкаваннем 35-годдзя з дня ўстанаўлення дыпламатычных адносін паміж В'етнамам і Рэспублікай Беларусь. У адказ Дні культуры Рэспублікі Беларусь у Сацыялістычнай Рэспубліцы В'етнам прапануецца правесці ў 2028 годзе. Таксама праграмай прадугледжваецца абмен інфармацыяй аб аб'ектах культурнай і прыроднай спадчыны, стварэнне ўмоў для наладжвання прамога супрацоўніцтва паміж установамі і арганізацыямі культуры і ахоп усіх сфер культурнага ўзаемадзеяння: выканальніцкай, выяўленчай, народнай, цыркавой творчасці, абмен мастацкімі калектывамі і дэлегацыямі для ўдзелу ў міжнародных фестывалях, семінарах, канферэнцыях, форумах па пытаннях культуры і мастацтваў, якія праводзяцца ў абедзвюх краінах.

Праграма супрацоўніцтва ў сферы культуры паміж дзвюма краінамі будзе садзейнічаць пашырэнню культурных сувязей, узаемнаму знаёмству насельніцтва Рэспублікі Беларусь і Сацыялістычнай Рэспублікі В'етнам з гісторыяй і разнастайнасцю свету нацыянальных культур.