Адбылося V сумеснае пасяджэнне Рабочай групы па супрацоўніцтве Рэспублікі Беларусь і Пермскага краю Расійскай Федэрацыі
27 ліпеня ў Нацыянальнай бібліятэцы Беларусі ў рамках рабочага візіту ў Рэспубліку Беларусь губернатара Пермскага края Расійскай Федэрацыі Дзмітрыя Махоніна прайшло V Сумеснае пасяджэнне Рабочай групы па супрацоўніцтве Рэспублікі Беларусь і Пермскага края Расійскай Федэрацыі. Супрацоўніцтва з Пермскім краем з беларускага боку курыруе Міністэрства культуры.
На пасяджэнні абмяркоўваўся шэраг напрамкаў узаемадзеяння: гандлёва-эканамічны, у галіне будаўніцтва і пошуку імпартазамяшчальных тавараў і абсталявання, у сферы прыродных рэсурсаў і лясной гаспадаркі.
Былі падпісаны пагадненні аб супрацоўніцтве ў галіне адукацыі, у сферы лясной гаспадаркі і аб абмене інфармацыяй і вопытам работы па пытаннях рэалізацыі мерапрыемстваў у галіне палявання і захавання паляўнічых рэсурсаў.
Акрамя таго, адбылася перадача падарункавага сертыфіката праекта «Беларусь сёння». Сертыфікат уручыў Першы намеснік Міністра культуры Валерый Грамада Намесніку Старшыні Урада - Міністру прамысловасці і гандлю Пермскага края Расійскай Федэрацыі Аляксею Чыбісаву.
Праект «Беларусь сёння» рэалізуецца з 2010 г. Штогод некалькім буйнейшым бібліятэкам свету накіроўваюцца каля ста айчынных выданняў, якія найбольш поўна адлюстроўваюць сацыяльна-эканамічнае і палітычнае жыццё краіны, яе шматвяковую гісторыю і культуру.
