У Аршанскім раёне прайшлі канцэртныя праграмы рэспубліканскага фестывалю «Майстроў мастацтваў - працаўнікам вёскі»
У 2018 годзе Міністэрствам культуры арганізаваны і праведзены ў Аршанскім раёне рэспубліканскі фестываль «Майстроў мастацтваў - працаўнікам вёскі». Асноўная мэта фестывалю - арганізацыя культурнага адпачынку і эстэтычнае выхаванне насельніцтва, далучэнне яго да прафесійнага мастацтва.
У рамках фестывалю ў кастрычніку г.г. адбыліся: канцэртная праграма з удзелам Беларускага дзяржаўнага ансамбля «Песняры» (гарадскі Цэнтр культуры «Перамога», г. Орша); спектакль Магілёўскага абласнога тэатра лялек (Палац культуры, г.Барань); у лістападзе г.г. - канцэрт заслужанага калектыву Рэспублікі Беларусь "Дзяржаўны акадэмічны ансамбль танца Беларусі» (гарадскі Палац культуры, г. Орша); канцэрт ансамбля песні і танца «Медуніца" Магілёўскай абласной філармоніі (Палац культуры, г.Барань), канцэртная праграма "Быў, ёсць, буду ..." Заслужанага калектыву Рэспублікі Беларусь "Нацыянальны акадэмічны канцэртны аркестр Беларусі», прысвечаная творчасці Уладзіміра Караткевіча (гарадскі Цэнтр культуры «Перамога», г. Орша).
Мерапрыемствы наведала больш за 2 тыс. чалавек.
У снежні г.г. плануецца правядзенне навагодняй канцэртнай праграмы з удзелам Маладзежнага тэатра эстрады і Заслужанага аматарскага калектыву Рэспублікі Беларусь харэаграфічнага ансамбля "Зорка" Цэнтра культуры "Віцебск" (гарадскі Цэнтр культуры "Перамога", г. Орша) і лялечны спектакль Магілёўскага абласнога тэатра.
