Віншаванне Міністра культуры Юрыя Бондара з Новым годам
Усім работнікам сферы культуры Рэспублікі Беларусь
Паважаныя калегі! Дарагія сябры!
Засталося зусім мала часу, і гэты год стане часткай гісторыі. Год быў вельмі насычаным на значныя для нас падзеі. Ён падарыў жыхарам нашай рэспублікі яркія прэм'еры, маштабныя культурныя праекты, узбагаціў вопытам і парадаваў поспехамі. Праведзена вялікая праца па захаванні культурнай спадчыны, актыўна развівалася міжнароднае супрацоўніцтва, новае дыханне атрымаў фестывальны рух у краіне.
З удзячнасцю за вашу працу сардэчна віншую вас з Новым годам і Калядамі! Няхай 2019-ы будзе для ўсіх нас годам дабрабыту, годам далейшага развіцця. Шчыра жадаю кожнаму з вас толькі прыемных і радасных падзей у новым годзе! Няхай у кожны дом, у кожную сям'ю Новы год прынясе любоў і шчасце, поспех і стабільнасць.
Моцнага вам здароўя, творчага натхнення і выканання самых запаветных жаданняў!
Міністр культуры
Рэспублікі Беларусь Ю.П.Бондар
