Выстава "Леанід Шчамялёў. Жывапіс ", прымеркаваная да 95-годдзя з дня нараджэння народнага мастака Беларусі, адкрыецца ў Нацыянальным мастацкім музеі 5 лютага
05.02.2018
На экспазіцыі прадставяць 60 жывапісных твораў 1960-2000-х гадоў са збораў самога музея, а таксама Беларускага саюза мастакоў, Музея гісторыі горада Мінска.
Па экспазіцыі можна будзе прасачыць 70 гадоў творчага жыцця жывапісца - ад пасляваеннага навучэнца да выбітнага майстра сучаснасці. Урачыстае адкрыццё экспазіцыі пройдзе ў 17:00.
Леанід Шчамялёў нарадзіўся 5 лютага 1923 года ў Віцебску. Народны мастак Беларусі, кавалер ордэна Францыска Скарыны, лаўрэат Дзяржаўнай прэміі Беларусі і прэміі Саюзнай дзяржавы.
