Міністэрства культуры Рэспублікі Беларусь

Беларусь глядзіць!

З прэм'ернага сеанса ў Мінскім Доме кіно пачалася агульнанацыянальная прэм'ера фільма Нацыянальнай кінастудыі "Беларусьфільм" - "Час вярнуцца". Перапоўненая зала стала лепшым пацвярджэннем узрастаючай цікавасці гледачоў да айчыннага кiно. Перад пачаткам прагляду прагучала музычнае прывітанне ад студэнтаў Беларускай дзяржаўнай акадэміі мастацтваў. А потым на сцэну паднялася здымачная група і акцёры з Беларусі і Расіі, якія здымаліся ў кіно. Да гледачоў звярнуліся рэжысёр-пастаноўшчык Іван Паўлаў, акцёр Дзмітрый Фрыд і генеральны дырэктар кінастудыі Юрый Аляксей. А затым пачалося самае галоўнае - кіно!

У фае Дома кіно разгорнута выстава з фондаў Музея гісторыі беларускага кіно, Беларускага дзяржаўнага музея гісторыі Вялікай Айчыннай вайны і Нацыянальнай кінастудыі "Беларусьфільм", прысвечаная беларускім ваенным кінастужкам і гісторыі работы над фільмам "Час вярнуцца".

"Час вярнуцца" пачаў свой пераможны паход па кінаэкранах краіны!

Супрацоўнікі цэнтральнага апарата Міністэрства культуры наведалі прэм'еру фільма "Час вярнуцца"!