Міністэрства культуры Рэспублікі Беларусь

У сталіцы Азербайджана ў г. Баку прадстаўнікі сферы культуры Беларусі на чале з Міністрам культуры прынялі ўдзел у VI Сусветным форуме па міжкультурным дыялогу "Дыялог дзеля міру і глабальнай бяспекі: супрацоўніцтва і ўзаемадзеянне".

У форуме бяруць удзел 700 гасцей з розных краін свету.

Акрамя міністраў, у лік удзельнікаў з больш як 100 краін уваходзяць прадстаўнікі міністэрстваў культуры 60 краін і 28 міжнародных арганізацый. Форум складаецца з дзесяці панэльных перамоў і чатырох пленарных пасяджэнняў.

Мерапрыемства арганізавана Міністэрствам культуры Азербайджана ў супрацоўніцтве з вядомымі міжнароднымі арганізацыямі, такімі як United Nations Alliance of Civilizations (UNAOC), UNESCO, ISESCO і Сусветная турыстычная арганізацыя ААН.

На пляцоўцы Форума Анатоль Мечыслававіч Маркевіч правёў рабочую сустрэчу з Міністрам культуры ААЭ Салемам бен Халідам Аль Касімі.

Міністэрства культуры ААЭ зацікаўлена ў супрацоўніцтве з Міністэрствам культуры нашай краіны, асабліва па пытаннях абмену вопытам па ахове істрыка-культурнай спадчыны, а таксама ў галіне мастацкай адукацыі.

У рамках сустрэчы міністраў па тэматыцы пленарнага пасяджэння "Гармонія ў разнастайнасці: садзейнічанне міжкультурнаму дыялогу для ўсеагульнага культурнага адраджэння" Анатоль Мечыслававіч выступіў з дакладам:

"...Мір - галоўнае багацце і вышэйшая каштоўнасць на Зямлі. Беларусы, якія страцілі ў агні Вялікай Айчыннай вайны кожнага трэцяга, добра разумеюць гэта. На працягу 80 гадоў мы робім усё, каб Беларусь заставалася тэрыторыяй мiру, дзе забяспечаны міжнародны дыялог. Беларусь гістарычна склалася і развіваецца як шматнацыянальная краіна, дзе пражываюць прадстаўнікі 130 нацыянальнасцей. Адказнасць дзяржавы за свабоднае развіццё культур усіх нацыянальных супольнасцей замацавана ў Канстытуцыі Рэспублікі Беларусь. Зберагаючы разнастайнасць моў, рэлігій і культур, мы жывем паўнацэнным жыццём. Прадстаўнік любой нацыянальнасці і веры, калі ён прафесіянал і патрыёт, можа дасягнуць вяршыняў кар'ернага росту і дзелавога поспеху.
Сяброўства і ўзаемная павага грамадзян розных народаў узніклі не самі па сабе. Яны - вынік нашай шматгадовай працы па збліжэнні і ўзаемным узбагачэнні культур нацыянальных супольнасцей і падтрымцы суайчыннікаў за мяжой...".

Анатоль Мечыслававіч зрабіў акцэнт на захаванні гістарычнай памяці. Ён адзначыў, што "культура сёння павінна ўзвысіць свой голас у імя міру".

Завяршаючы свой выступ ён звярнуўся да ўсіх прысутных з прамовай на беларускай мове, запрасіўшы на гасцінную беларускую зямлю, і пажадаўшы: "...моцнага здароўя, шчасця і дабрабыту, мірнага неба, духмянага хлеба, крынiчнай вады i нiякай бяды".

У рамках Форума паміж Міністрам культуры Рэспублікі Беларусь і намеснікам Міністра культуры Кыргызскай Рэспублікі таксама абмяркоўвалася пытанне аб правядзенні Дзён культуры Кыргызскай Рэспублікі ў нашай краіне ў бягучым годзе!

Дзелімся падрабязнасцямі інтэрв'ю Анатоля Мечыслававіча для Азербайджанскага тэлеканала!

Сусветны форум па міжкультурным дыялогу, які лічыцца састаўной часткай ініцыяванага Прэзідэнтам Азербайджанскай Рэспублікі Ільхамам Аліевым у 2008 годзе "Бакінскага працэсу" па міжкультурнаму дыялогу, упершыню быў арганізаваны ў Баку ў 2011 годзе, наступныя форумы праходзілі ў 2013, 2015, 2017 і 2019 гадах. За мінулы перыяд геаграфія форуму значна пашырылася, павялічылася колькасць краін і структур, якія ўдзельнічаюць у мерапрыемстве. У форуме прынялі ўдзел больш за 10 тысяч дэлегатаў – афіцыйныя асобы ўрадаў, кіраўнікі і прадстаўнікі міжнародных арганізацый і інстытутаў. У той жа час у рамках форуму было арганізавана больш за 200 мерапрыемстваў рознага фармату і маштабу, пленарных і панэльных абмеркаванняў, прэзентацый. Абмеркаванні, праведзеныя ў рамках пяці папярэдніх форумаў, у цэнтры ўвагі якіх знаходзіліся выклікі, якія турбуюць чалавецтва, прынятыя дакументы сталі кіраўніцтвам для міжнародных арганізацый, і "Бакінскі працэс" быў прыняты ў якасці важнай платформы па міжкультурным дыялогу.

Падрабязнасці - тут:
https://report.az/ru/vneshnyaya-politika/segodnya-v-baku-startuet-vi-vsemirnyj-forum-mezhkulturnogo-dialoga/